کون سی بات تری ہم سے اٹھائی نہ گئی

کون سی بات تری ہم سے اٹھائی نہ گئی

پر جفا جو تری یہ نت کی لڑائی نہ گئی

نہ کہا تھا کہ تو قاتل ہو مرا میں مقتول

سر نوشت اپنی کسی ہی سے مٹائی نہ گئی

قصد ہر چند کیا سیکھنے کا بلبل نے

وضع نالے کی مری اس سے اڑائی نہ گئی

دل سوزاں کی جہاں دارؔ ترے تا بہ فلک

کون سی آہ تھی جو مثل ہوائی نہ گئی

kaun si bat tiri ham se uthai na gai

par jafa jo tiri ye nit ki larai na gai

na kaha tha ke tu qatil ho mira mein maqtul

sar nawisht apni kisi hi se mitai na gai

qasd har chand kiya sikhne ka bulbul ne

waza nale ki miri us se urai na gai

dil-e-sozan ki jahan dar tire ta ba falak

kaun si ah thi jo misl-e-hawai na gai