کوئی میداں نہ جیتا عشق کا فرہاد کے آگے
انعام اللہ خاں یقینکوئی میداں نہ جیتا عشق کا فرہاد کے آگے
کسو نے دم نہ مارا تیشۂ فولاد کے آگے
گئے دوڑے نہ آخر حضرت یعقوب کنعاں سے
زمیں ناپے پدر بھی حسن مادر زاد کے آگے
اکیلا کیونکہ لگتا بستیوں میں دل بچارے کا
نہ ہوتا نقش شیریں کا اگر فرہاد کے آگے
اگر دھڑکا ہو جنت میں تو بد تر ہے جہنم سے
ہمیں گل خار سا لگتا ہے اس صیاد کے آگے
یقیںؔ اس قد کے آگے اس طرح سے سرو رسوا ہے
درختان بیابانی ہیں جوں شمشاد کے آگے
koi maidan na jita ishq ka farhad ke age
kisu ne dam na mara tesha-e-faulad ke age
gae daure na akhir hazrat-e-yaaqub kanan se
zamin nape pidar bhi husn-e-madar zad ke age
akela kyunke lagta bastiyon mein dil bachare ka
na hota naqsh-e-shirin ka agar farhad ke age
agar dharka ho jannat mein to bad tar hai jahannam se
hamen gul khar sa lagta hai is sayyad ke age
yaqin is qad ke age is tarah se sarw ruswa hai
darakhtan-e-bayabani hain jun shamshad ke age