کون ان لاکھوں اداؤں میں مجھے پیاری نہیں

کون ان لاکھوں اداؤں میں مجھے پیاری نہیں

نام لوں کس کس کا مجھ کو ایک بیماری نہیں

آگ کتنی لے کے نکلا تھا مرا دود جگر

وہ فضا ہے کون جس میں کوئی چنگاری نہیں

یاس سے کیوں دیکھتے ہیں دوست اے آزار دل

پوچھتے ہیں کیا مجھے تو کوئی بیماری نہیں

ہاتھ رکھ کر اک ذرا دیکھو تپ غم کا اثر

یہ تمہارا ہی جلایا دل ہے چنگاری نہیں

دل نے رگ رگ سے چھپا رکھا ہے تیرا راز عشق

جس کو کہہ دے نبض ایسی میری بیماری نہیں

قید ہو کر میں نے کھولی ہم صفیروں کی زباں

کس گلستاں میں مرا ذکر گرفتاری نہیں

kaun in lakhon adaon mein mujhe pyari nahin

nam lun kis kis ka mujh ko ek bimari nahin

ag kitni le ke nikla tha mira dud-e-jigar

wo faza hai kaun jis mein koi chingari nahin

yas se kyun dekhte hain dost ai azar dil

puchhte hain kya mujhe to koi bimari nahin

hath rakh kar ik zara dekho tap-e-gham ka asar

ye tumhara hi jalaya dil hai chingari nahin

dil ne rag rag se chhupa rakha hai tera raz-e-ishq

jis ko kah de nabz aisi meri bimari nahin

qaid ho kar main ne kholi ham safiron ki zaban

kis gulistan mein mira zikr-e-giraftari nahin