کون تھا اس کے ہوا خواہوں میں جو شامل نہ تھا

کون تھا اس کے ہوا خواہوں میں جو شامل نہ تھا

اب ہوا معلوم مجھ کو دل بھی میرا دل نہ تھا

عشق کی بیتابیوں پر حسن کو رحم آ گیا

جب نگاہ شوق تڑپی پردۂ محمل نہ تھا

تھیں نگاہ شوق کی رنگینیاں چھائی ہوئی

پردۂ محمل اٹھا تو صاحب محمل نہ تھا

قہر ہے تھوڑی سی بھی غفلت طریق عشق میں

آنکھ جھپکی قیس کی اور سامنے محمل نہ تھا

kaun tha us ke hua khwahon mein jo shamil na tha

ab hua maalum mujh ko dil bhi mera dil na tha

ishq ki betabiyon par husn ko rahm a gaya

jab nigah-e-shauq tarpi parda-e-mahmil na tha

thin nigah-e-shauq ki ranginiyan chhai hui

parda-e-mahmil utha to sahab-e-mahmil na tha

qahr hai thori si bhi ghaflat tariq-e-ishq mein

ankh jhapki qais ki aur samne mahmil na tha