کوئی شمع اور کوئی پروانہ ہوگا

کوئی شمع اور کوئی پروانہ ہوگا

جہاں میں عشق کا افسانہ ہوگا

جنون عشق سے ہے لطف ہستی

وہ دیوانہ ہے جو فرازانہ ہوگا

ترے مستوں کا اے کوثر کے ساقی

وہی پیماں وہی پیمانہ ہوگا

خرابات جہاں وقف فنا ہے

مگر باقی ترا مے خانہ ہوگا

رواں ہیں کارواں جس کی طرف سب

یہی وہ کوچۂ جانانہ ہوگا

وہ دل ہی کیا کہ رقص موج جس کا

حریف جنبش دریا نہ ہوگا

وبال دوش ہے وہ سر کہ جس میں

کسی کے عشق کا سودا نہ ہوگا

جسے شہد و شکر کی آرزو ہے

لب نوشیں کا وہ رسیا نہ ہوگا

محبت کے ہیں رنگا رنگ نیرنگ

کہیں افسوں کہیں افسانہ ہوگا

پرستاری ہے طینت میں بشر کی

جہاں کعبہ نہیں بت خانہ ہوگا

پیامی سے کسی نے کہہ دیا ہے

کہ ناظرؔ سے کوئی پروانہ ہوگا

koi shama aur koi parwana hoga

jahan mein ishq ka afsana hoga

junun-e-ishq se hai lutf-e-hasti

wo diwana hai jo farazana hoga

tire maston ka ai kausar ke saqi

wahi paiman wahi paimana hoga

kharabat-e-jahan waqf-e-fana hai

magar baqi tira mai khana hoga

rawan hain karwan jis ki taraf sab

yahi wo kucha-e-janana hoga

wo dil hi kya ke raqs-e-mauj jis ka

harif-e-jumbish-e-dariya na hoga

wabal-e-dosh hai wo sar ke jis mein

kisi ke ishq ka sauda na hoga

jise shahd-o-shakar ki arzu hai

lab-e-noshen ka wo rasiya na hoga

mohabbat ke hain ranga rang-e-nairang

kahin afsun kahin afsana hoga

parastari hai tinat mein bashar ki

jahan kaaba nahin but khana hoga

payami se kisi ne kah diya hai

ke nazir se koi parwana hoga