کوئی عشق میں مجھ سے افزوں نہ نکلا

کوئی عشق میں مجھ سے افزوں نہ نکلا

کبھی سامنے ہو کے مجنوں نہ نکلا

بڑا شور سنتے تھے پہلو میں دل کا

جو چیرا تو اک قطرہ خوں نہ نکلا

بجا کہتے آئے ہیں ہیچ اس کو شاعر

کمر کا کوئی ہم سے مضموں نہ نکلا

ہوا کون سا روز روشن نہ کالا

کب افسانہ زلف شب گوں نہ نکلا

پہنچتا اسے مصرع تازہ و تر

قد یار سا سرو موزوں نہ نکلا

رہا سال ہا سال جنگل میں آتش

مرے سامنے بید مجنوں نہ نکلا

koi ishq mein mujh se afzun na nikla

kabhi samne ho ke majnun na nikla

bara shor sunte the pahlu mein dil ka

jo chira to ik qatra khun na nikla

baja kahte ae hain hech us ko shayar

kamar ka koi ham se mazmun na nikla

hawa kaun sa roz-e-raushan na kala

kab afsana zulf-e-shab gun na nikla

pahunchta use misra-e-taza-o-tar

qad-e-yar sa sarw mauzun na nikla

raha sal ha sal jangal mein atish

mire samne baid-e-majnun na nikla