کل کہاں بچاری بلبل اور کہاں بچارا گل

کل کہاں بچاری بلبل اور کہاں بچارا گل

آج بلبل دید کر لے باغ کی نظارہ گل

خالی از شر یہ چٹکنے کی صدا ہرگز نہیں

صبح دم کرتا ہے اپنے کوچ کا نقارا گل

غنچہ جب تک چپ رہا ہر طرح خاطر جمع تھی

خندۂ مفرط نے لیکن کر دیا آوارہ گل

ظاہرا باطن سبک تھا کچھ گرانی آ گئی

ہو گیا بلبل کی جانب سے جو سنگ خارا گل

کیوں نہ گزرے دم بہ دم بلبل کا پرچہ اے وقارؔ

رکھتا ہے باد صبا کا باغ میں ہرکارہ گل

kal kahan bichari bulbul aur kahan bachara gul

aj bulbul did kar le bagh ki nazzara gul

khali az shar ye chatakne ki sada hargiz nahin

subh dam karta hai apne kuch ka naqara gul

ghuncha jab tak chup raha har tarah khatir jama thi

khanda-e-mufrat ne lekin kar diya awara gul

zahiran batin subuk tha kuchh girani a gai

ho gaya bulbul ki janib se jo sang-e-khara gul

kyun na guzre dam ba dam bulbul ka parcha ai waqar

rakhta hai bad-e-saba ka bagh mein harkara gul