کلیجہ منہ کو آتا ہے کریں تم سے بیاں کیونکر

کلیجہ منہ کو آتا ہے کریں تم سے بیاں کیونکر

نہ پوچھو ہم صفیرو ہم سے چھوٹا آشیاں کیونکر

ذرا دیکھیں بدل جاتا ہے دور آسماں کیونکر

کسی کے حال پر ہوتا ہے کوئی مہرباں کیونکر

ہمیں تو غم سے اتنی بھی نہیں فرصت کہ یہ سوچیں

محبت میں ہوا کرتا ہے کوئی شادماں کیونکر

کسی پر عمر بھر کی کس طرح مشق ستم تم نے

ذرا سوچو تو دل میں اور لو گے امتحاں کیونکر

چمن میں ایک مدت ہم نے مشق گل فشانی کی

قفس تک آتے آتے آ گئی طرز فغاں کیونکر

جو حالت دل کی ہے وہ رنگ رخ اڑ اڑ کے کہتا ہے

چھپائیں ہم اسے بھی صورت درد نہاں کیونکر

کلیجے کی طرح جس کو جگہ دی ہم نے سینے میں

وہی دل بن گیا ہے آج ان کا ہم زباں کیونکر

کسی دن آ کے آنکھوں سے ذرا تم دیکھ تو لیتے

کیا کرتا ہے کوئی ہجر میں آہ و فغاں کیونکر

kaleja munh ko ata hai karen tum se bayan kyunkar

na puchho ham safiro ham se chhota ashiyan kyunkar

zara dekhen badal jata hai daur-e-asman kyunkar

kisi ke hal par hota hai koi mehrban kyunkar

hamen to gham se itni bhi nahin fursat ke ye sochen

mohabbat mein hua karta hai koi shadman kyunkar

kisi par umr bhar ki kis tarah mashq-e-sitam tum ne

zara socho to dil mein aur loge imtihan kyunkar

chaman mein ek muddat ham ne mashq-e-gul fishani ki

qafas tak ate ate a gai tarz-e-fughan kyunkar

jo halat dil ki hai wo rang-e-rukh ur ur ke kahta hai

chhupaen ham use bhi surat-e-dard-e-nihan kyunkar

kaleje ki tarah jis ko jagah di ham ne sine mein

wahi dil ban gaya hai aj un ka ham zaban kyunkar

kisi din a ke ankhon se zara tum dekh to lete

kiya karta hai koi hijr mein ah-o-fughan kyunkar