Arooz is now on the App Store, for iPhone and iPad. Download →

All poetry

کل وصل میں بھی نیند نہ آئی تمام شب

ممنون نظام الدین

کل وصل میں بھی نیند نہ آئی تمام شب

ایک ایک بات پر تھی لڑائی تمام شب

یہ بھی ہے ظلم تو کہ اسے وصل میں رہا

ذکر طلوع صبح جدائی تمام شب

کس بے ادب کو عرض ہوس ہر نگہ میں تھی

آنکھ اس نے بزم میں نہ اٹھائی تمام شب

یاں التماس شوق وہاں احتراز ناز

مشکل ہوئی تھی عہدہ برائی تمام شب

کیا سر پہ کوہ کن کے ہوئی بے ستوں سے آج

ممنوںؔ صدائے تیشہ نہ آئی تمام شب