بیتاب ہیں کسی کی نگاہیں نقاب میں

بیتاب ہیں کسی کی نگاہیں نقاب میں

ہیں بجلیاں کہ کوند رہی ہیں سحاب میں

لکھوں گا خط میں خوب عدو کی برائیاں

ہو کر خفا وہ کچھ نہ لکھیں گے جواب میں

ہم کو ہے ان کی فکر تو ان کو عدو کی فکر

دونوں ہیں ایک سلسلۂ اضطراب میں

اس چھیڑ کے نثار کہ سن کر سوال وصل

آئینہ رکھ دیا مرے آگے جواب میں

یاروں میں بوئے مہر و محبت نہیں نسیمؔ

کیا خاک اڑ رہی ہے جہان خراب میں

betab hain kisi ki nigahen naqab mein

hain bijliyan ke kaund rahi hain sahab mein

likhunga khat mein khub adu ki buraiyan

ho kar khafa wo kuchh na likhenge jawab mein

ham ko hai un ki fikr to un ko adu ki fikr

donon hain ek silsila-e-iztirab mein

is chher ke nisar ke sun kar sawal-e-wasl

aina rakh diya mire age jawab mein

yaron mein bu-e-mehr-o-mohabbat nahin nasim

kya khak ur rahi hai jahan-e-kharab mein