کل چمن میں گل و سمن دیکھا

کل چمن میں گل و سمن دیکھا

آج دیکھا تو باغ بن دیکھا

کیا ہے گلشن میں جو قفس میں نہیں

عاشقوں کا جلا وطن دیکھا

ذوق پیکان تیر میں تیرے

مدتوں تک جگر نے چھن دیکھا

گھر کے گھر جلتے تھے پڑے تیرے

داغ دل دیکھے بس چمن دیکھا

ایک چشمک دو صد سنان مژہ

اس نکیلے کا بانکپن دیکھا

شکر زاہد کا اپنی آنکھوں میں

مے عوض خرقہ مرتہن دیکھا

حسرت اس کی جگہ تھی خوابیدہ

میرؔ کا کھول کر کفن دیکھا

kal chaman mein gul-o-saman dekha

aj dekha to bagh ban dekha

kya hai gulshan mein jo qafas mein nahin

ashiqon ka jala watan dekha

zauq-e-paikan tir mein tere

muddaton tak jigar ne chhin dekha

ghar ke ghar jalte the pare tere

dagh-e-dil dekhe bas chaman dekha

ek chashmak do sad sinan-e-mizha

is nukile ka bankpan dekha

shukr zahid ka apni ankhon mein

mai ewaz khirqa martahan dekha

hasrat us ki jagah thi khwabida

mir ka khol kar kafan dekha