کم تر یا بیشتر گئے ہم

کم تر یا بیشتر گئے ہم

اس در سے بہ چشم نم گئے ہم

اک گل نہ چنا ہم اس چمن سے

لے اپنا ہی مشت پر گئے ہم

بیضے سے نکالتے ہی سر حیف

یوں قید قفس میں پڑ گئے ہم

بن یار لگا نہ دل کدھر بھی

جتنا کہ ادھر ادھر گئے ہم

کیا دور سے مسکرا کے سرکا

کل اس کی نظر جو پڑ گئے ہم

دنیا کا و دیں کا ہم کو کیا ہوش

مست آئے و بے خبر گئے ہم

اس جان عزیز نے نہ پوچھا

جیتے ہیں یا کہ مر گئے ہم

کچھ کام نہ تھا ہمیں کسی سے

لینے دل کی خبر گئے ہم

اتنی مدت کے بعد حسرتؔ

کل رات جو اس کے گھر گئے ہم

kam tar ya beshtar gae ham

us dar se ba chashm-e-nam gae ham

ik gul na chuna ham is chaman se

le apna hi musht par gae ham

baize se nikalte hi sar haif

yun qaid-e-qafas mein par gae ham

ban yar laga na dil kidhar bhi

jitna ke idhar idhar gae ham

kya dur se muskura ke sarka

kal us ki nazar jo par gae ham

duniya ka-o-din ka ham ko kya hosh

mast ae-o-be khabar gae ham

us jan-e-aziz ne na puchha

jite hain ya ke mar gae ham

kuchh kam na tha hamen kisi se

lene dil ki khabar gae ham

itni muddat ke baad hasrat

kal rat jo us ke ghar gae ham