کل کا وعدہ نہ کرو دل مرا بیکل نہ کرو

کل کا وعدہ نہ کرو دل مرا بیکل نہ کرو

کل پڑے گی نہ مجھے مجھ سے یہ کل کل نہ کرو

کہیں جلا دے نہ اسے شعلۂ آہ عاشق

پلکوں کی ٹٹی کے تئیں آنکھوں کی اوجھل نہ کرو

کر چکی تیغ نگاہ کام تو پل ہی میں تمام

تیر پلکوں کا مقابل مرے پل پل نہ کرو

اس کو ہر شب ہے زوال اس کو نہیں ہے کچھ نقص

بدر کو چہرے سے اس کے متمثل نہ کرو

دکھ نہ پاوے کہیں وہ نازنیں گردن پیارے

تکیہ زنہار سر بالش مخمل نہ کرو

kal ka waada na karo dil mira bekal na karo

kal paregi na mujhe mujh se ye kal kal na karo

kahin jala de na use shola-e-ah ashiq

palkon ki tuti ke tain ankhon ki ojhal na karo

kar chuki tegh-e-nigah kam to pal hi mein tamam

tir palkon ka muqabil mire pal pal na karo

us ko har shab hai zawal us ko nahin hai kuchh naqs

badr ko chehre se us ke matmisl na karo

dukh na pawe kahin wo naznin gardan pyare

takiya zinhar sar-e-balish-e-makhmal na karo