کعبہ کو جائیں کس لیے اور کیوں کنشت کو

کعبہ کو جائیں کس لیے اور کیوں کنشت کو

پہونچیں یہیں سے بندگیاں سنگ و خشت کو

گر حسن گندمی ترا ان کو نہ تھا پسند

آدم نے چھوڑا کس لیے باغ بہشت کو

ہے میرے آگے ایک گل و خار و نیک و بد

اللہ نے بنایا ہے ہر خوب و زشت کو

بارش ضرور چاہئے ابر فریب کی

شطرنج ساں جو چاہے کوئی سبز کشت کو

لایا خدا جو بعد عناصر ظہور میں

قائم کیا ہے مجھ سے پر ان کی سرشت کو

لکھا خط شکستہ میں ہے یک قلم وقار

منشیٔ آسماں نے مری سر نوشت کو

kaaba ko jaen kis liye aur kyun kinshat ko

pahonachen yahin se bandagiyan sang-o-khisht ko

gar husn gandumi tira un ko na tha pasand

adam ne chhora kis liye bagh-e-bahisht ko

hai mere age ek gul-o-khar-o-nek-o-bad

allah ne banaya hai har khub-o-zisht ko

barish zarur chahiye abr-e-fareb ki

shatranj san jo chahe koi sabz kisht ko

laya khuda jo baad anasir zuhur mein

qaim kya hai mujh se par un ki sarisht ko

likha khat-e-shikasta mein hai yak qalam waqar

munshshai-e-asman ne miri sar nawisht ko