کشتۂ ناز دل ربا ہیں ہم

کشتۂ ناز دل ربا ہیں ہم

زخمیٔ خنجر ادا ہیں ہم

کیا کہیں تم سے ہم کہ کیا ہیں ہم

مظہر نور کبریا ہیں ہم

آپ پر جب سے مبتلا ہیں ہم

خویش و بیگانے سے جدا ہیں ہم

آپ ہیں اپنے حسن پر شیدا

آپ اپنے ہی پر فدا ہیں ہم

دونوں عالم سے کچھ نہیں مطلب

کوچۂ یار کے گدا ہیں ہم

گو بظاہر ہیں صورت آدم

فی الحقیقت خدا‌ نما ہیں ہم

بس قمرؔ اتنا افتخار ہمیں

یار کے نقش کفش پا ہیں ہم

kushta-e-naz-e-dil ruba hain ham

zakhmi-e-khanjar-e-ada hain ham

kya kahen tum se ham ke kya hain ham

mazhar-e-nur-e-kibriya hain ham

ap par jab se mubtala hain ham

khwesh-o-begane se juda hain ham

ap hain apne husn par shaida

ap apne hi par fida hain ham

donon alam se kuchh nahin matlab

kucha-e-yar ke gada hain ham

go bazahir hain surat-e-adam

fi alhaqiqat khuda numa hain ham

bas qamar itna iftikhar hamen

yar ke naqsh kafsh pa hain ham