کسی کے حسن عالم تاب کی تنویر کے صدقے

کسی کے حسن عالم تاب کی تنویر کے صدقے

کسی بد بخت کی صورت بھی پہچانی نہیں جاتی

مروت کی ادا پر بند آنکھیں کر کے لٹ جانا

یہ نادانی سہی لیکن یہ نادانی نہیں جاتی

وہاں دل لے چلا ہے پھر وہی اک بات کہنے کو

کہی جاتی ہے جو اکثر مگر مانی نہیں جاتی

خداوندا پھر آخر کیا تمنا ہے مرے دل کی

وہ پہلو میں بھی ہیں لیکن پریشانی نہیں جاتی

کیا تھا میں نے شکوہ آپ نے آنکھیں جھکا لی تھیں

ہوئی مدت مگر اب تک پشیمانی نہیں جاتی

وہی ہے اپنی رندی اور وہی واعظ کی فہمائش

بری عادت کوئی بھی ہو بہ آسانی نہیں جاتی

kisi ke husn-e-alam tab ki tanwir ke sadqe

kisi bad bakht ki surat bhi pahchani nahin jati

murawwat ki ada par band ankhen kar ke lut jana

ye nadani sahi lekin ye nadani nahin jati

wahan dil le chala hai phir wahi ik bat kahne ko

kahi jati hai jo aksar magar mani nahin jati

khadaonda phir akhir kya tamanna hai mire dil ki

wo pahlu mein bhi hain lekin pareshani nahin jati

kya tha main ne shikwa ap ne ankhen jhuka li thin

hui muddat magar ab tak pashemani nahin jati

wahi hai apni rindi aur wahi waiz ki fahmaish

buri adat koi bhi hu ba asani nahin jati