کعبے ہی کا اب قصد یہ گمراہ کرے گا

کعبے ہی کا اب قصد یہ گمراہ کرے گا

جو تم سے بتاں ہوگا سو اللہ کرے گا

زلفوں سے پڑا طول میں اب عشق کا جھگڑا

خط آن کے یہ مجہلہ کوتاہ کرے گا

بوسے کی طلب سے تو رہے گا تبھی اے دل

جب گالیاں دو چار وہ تنخواہ کرے گا

آئینے کو ٹک بھر کے نظر دیکھ تو پیارے

وہ تجھ کو مرے حال سے آگاہ کرے گا

احوال دل زار تجھے ہووے گا معلوم

جب تو کسی مہ وش کی میاں چاہ کرے گا

واہی نہ سمجھ سوزؔ کے پیماں کو تو اے یار

جو تجھ سے کیا عہد سو نرباہ کرے گا

kaabe hi ka ab qasd ye gumrah karega

jo tum se butan hoga so allah karega

zulfon se para tul mein ab ishq ka jhagra

khat an ke ye mujhala kotah karega

bose ki talab se to rahega tabhi ai dil

jab galiyan do char wo tankhwah karega

aine ko tuk bhar ke nazar dekh to pyare

wo tujh ko mire hal se agah karega

ahwal-e-dil zar tujhe howe ga maalum

jab to kisi mah wash ki miyan chah karega

wahi na samajh soz ke paiman ko to ai yar

jo tujh se kiya ahd so nirbah karega