کعبہ و بت خانہ والوں سے جدا بیٹھے ہیں ہم

کعبہ و بت خانہ والوں سے جدا بیٹھے ہیں ہم

اک بت ناآشنا سے دل لگا بیٹھے ہیں ہم

آپ سے اپنے کو دیوانہ بنا بیٹھے ہیں ہم

کوئے جاناں چھوڑ کے جنگل میں آ بیٹھے ہیں ہم

کیوں مکدر کر دیا نازک مزاجوں کا مزاج

کوچۂ جاناں سے چل جا اے صبا بیٹھے ہیں ہم

یہ دعا کعبہ میں کرتے ہیں کہ اس بت سے ملا

تیرے دروازہ پر آ کر اے خدا بیٹھے ہیں ہم

وہ تو کہتے ہیں کہ اٹھ جائیں میرے کوچہ سے آپ

ہائے کتنی ہو گئی ہیں بے حیا بیٹھے ہیں ہم

سرگرانی ہے عبث ہم خاکساروں سے تمہیں

یا تو مٹنے کو بسان نقش پا بیٹھے ہیں ہم

اپنا باطن خوب ہے ظاہر سے بھی اے جان جاں

آنکھ کے لڑنے سے پہلے جی لڑا بیٹھے ہیں ہم

میں تو کہتا ہوں کہ بزم غیر ہے یاں سے اٹھو

اور وہ کہتے ہیں مجھ سے تجھ کو کیا بیٹھے ہیں ہم

یا ہمیں اٹھوا دیا یا اٹھ گئے ہیں آپ وہ

گر کبھی مجلس میں بھی پاس ان کے جا بیٹھے ہیں ہم

بزم تصویر اپنی صحبت ہو گئی ہے ان دنوں

آشنا دن میں بھی اب نا آشنا بیٹھے ہیں ہم

پڑ گیا ہے ہاتھ جب انگیا پہ اس خوش گات کی

صورت شہباز چڑیا کو دبا بیٹھے ہیں ہم

گہر سے اٹھنے کی نہیں باہر نہیں رکھنے کے پاؤں

یار کے سر کی قسم اے مہرؔ کھا بیٹھے ہیں ہم

kaaba-o-but khana walon se juda baithe hain ham

ik but-e-naashna se dil laga baithe hain ham

ap se apne ko diwana bana baithe hain ham

ku-e-janan chhor ke jangal mein a baithe hain ham

kyun mukaddar kar diya nazuk mizajon ka mizaj

kucha-e-janan se chal ja ai saba baithe hain ham

ye dua kaaba mein karte hain ke us but se mila

tere darwaza par a kar ai khuda baithe hain ham

wo to kahte hain ke uth jaen mere kucha se ap

hae kitni ho gai hain be haya baithe hain ham

sargirani hai abas ham khaksaron se tumhen

ya to mitne ko basan-e-naqsh-e-pa baithe hain ham

apna batin khub hai zahir se bhi ai jan-e-jan

ankh ke larne se pahle ji lara baithe hain ham

main to kahta hun ke bazm-e-ghair hai yan se utho

aur wo kahte hain mujh se tujh ko kya baithe hain ham

ya hamen uthwa diya ya uth gae hain ap wo

gar kabhi majlis mein bhi pas un ke ja baithe hain ham

bazm-e-taswir apni sohbat ho gai hai in dinon

ashna din mein bhi ab na ashna baithe hain ham

par gaya hai hath jab angiya pe is khush gat ki

surat-e-shahbaz chiriya ko daba baithe hain ham

guhar se uthne ki nahin bahar nahin rakhne ke paon

yar ke sar ki qasam ai mehr kha baithe hain ham