کسی گل میں نہیں پانے کی تو بوئے وفا ہرگز

کسی گل میں نہیں پانے کی تو بوئے وفا ہرگز

عبث اپنا دل اے بلبل چمن میں مت لگا ہرگز

طبیبوں سے علاج عشق ہوتا ہے نپٹ مشکل

ہمارے درد کی ان سے نہیں ہونے کی دوا ہرگز

تجا گھر ایک اور سارے بیاباں کا ہوا وارث

کوئی مجنوں سا عیارا نہ ہوگا دوسرا ہرگز

بہار آئی ہے کیوں کر عندلیبیں باغ میں جاویں

قفس کے در کے تئیں کرتا نہیں صیاد وا ہرگز

نہ تھے عاشق کسی بیداد پر ہم جب تلک تاباںؔ

ہمارے دل کے تئیں کچھ درد و غم تب تک نہ تھا ہرگز

kisi gul mein nahin pane ki to bu-e-wafa hargiz

abas apna dil ai bulbul chaman mein mat laga hargiz

tabibon se ilaj-e-ishq hota hai nipat mushkil

hamare dard ki un se nahin hone ki dawa hargiz

taja ghar ek aur sare bayaban ka hua waris

koi majnun sa ayara na hoga dusra hargiz

bahar ai hai kyun kar andaliben bagh mein jawen

qafas ke dar ke tain karta nahin sayyad wa hargiz

na the ashiq kisi bedad par ham jab talak taban

hamare dil ke tain kuchh dard-o-gham tab tak na tha hargiz