بیکار یہ غصہ ہے کیوں اس کی طرف دیکھو

بیکار یہ غصہ ہے کیوں اس کی طرف دیکھو

آئینے کی ہستی کیا تم اپنی طرف دیکھو

محدود ہے نظارہ جب ہیں یہی دو عالم

یا اپنی طرف دیکھو یا میری طرف دیکھو

ملنے سے نگاہوں کے کیا فائدہ ہوتا ہے

یہ بات میں سمجھا دوں تم میری طرف دیکھو

منہ پھیر لیا سب نے بیمار کو جب دیکھا

دیکھا نہیں جاتا وہ تم جس کی طرف دیکھو

منظور عزیزؔ اس کا عرفان جو ہے تم کو

دیکھو نہ کسی جانب اپنی ہی طرف دیکھو

bekar ye ghussa hai kyun us ki taraf dekho

aine ki hasti kiya tum apni taraf dekho

mahdud hai nazzara jab hain yahi do alam

ya apni taraf dekho ya meri taraf dekho

milne se nigahon ke kiya faida hota hai

ye bat mein samjha dun tum meri taraf dekho

munh pher liya sab ne bimar ko jab dekha

dekha nahin jata wo tum jis ki taraf dekho

manzur aziz us ka irfan jo hai tum ko

dekho na kisi janib apni hi taraf dekho