کفر مومن ہے نہ کرنا دلبراں سے اختلاط

کفر مومن ہے نہ کرنا دلبراں سے اختلاط

کر لیا کعبے نے بھی کے دن بتاں سے اختلاط

بندہ اس بلبل کا ہوں جو بوئے گل کے واسطے

گرم رکھے ہائے ہر خار خزاں سے اختلاط

خاکساروں کی ہے الفت رہروان عشق سے

جیسے گرد راہ کا ہے کارواں سے اختلاط

کیوں نہ ہووے پختہ و بر جستہ روشن دل کا شعر

دود و شعلے سا سخن کو ہے زباں سے اختلاط

دل شکن کے واسطے دست دعا عزلتؔ اٹھائے

جیسے غنچے کا نسیم گلستاں سے اختلاط

kufr-e-momin hai na karna dilbaran se ikhtilat

kar liya kaabe ne bhi ke din butan se ikhtilat

banda is bulbul ka hun jo bu-e-gul ke waste

garm rakhe hae har khar-e-khizan se ikhtilat

khaksaron ki hai ulfat rahrawan-e-ishq se

jaise gard-e-rah ka hai karwan se ikhtilat

kyun na howe pukhta-o-bar jasta raushan dil ka sher

dud-o-shole sa sukhan ko hai zaban se ikhtilat

dil shikan ke waste dast-e-dua uzlat uthae

jaise ghunche ka nasim-e-gulsitan se ikhtilat