بہت سے مدعی نکلے مگر جاں باز کم نکلے

بہت سے مدعی نکلے مگر جاں باز کم نکلے

پس مجنوں ہزاروں عاشقوں میں ایک ہم نکلے

نہیں ممکن کسی سے حسن کی باریکیاں حل ہوں

ترے ہر تار گیسو میں ہمارے پیچ و خم نکلے

یہ صورت ہو تو اپنا خاتمہ بالخیر ہو جائے

ادھر ہم سر جھکائیں اور ادھر تیغ دو دم نکلے

ہمیں ارمان ہے اس آستاں پر زندگی گزرے

اسی حسرت میں جیتے ہیں کہ ان قدموں پہ دم نکلے

bahut se muddai nikle magar jan baz kam nikle

pas majnun hazaron ashiqon mein ek ham nikle

nahin mumkin kisi se husn ki barikiyan hal hun

tire har tar-e-gesu mein hamare pech-o-kham nikle

ye surat ho to apna khatima bilkhair ho jae

idhar ham sar jhukaen aur idhar tegh-e-do dam nikle

hamen arman hai is astan par zindagi guzre

isi hasrat mein jite hain ke in qadmon pe dam nikle