کسی نے پکڑا دامن اور کسی نے آستیں پکڑی

کسی نے پکڑا دامن اور کسی نے آستیں پکڑی

نہ اٹھا میں ہی اس کوچے سے یہ میں نے زمیں پکڑی

خدا شاہد ہے دل پر چوٹ سی اک لگ گئی میرے

بہانا درد سر کا کر کے جب اس نے جبیں پکڑی

سوا ان کے نہ کہنا اور سے آفت نہ کچھ آئے

نہ جانے بات میری قاصدا شاید کہیں پکڑی

بھلا اب مجھ سے چھٹتا ہے کہیں اس شوخ کا چسکا

یہ کیا ہے چھیڑ میری ہر گھڑی کی ہم نشیں پکڑی

غضب ہیں آپ بھی میں نے تو تم سے کان پکڑا ہے

ہوا جب کچھ میں کہنے کو زباں میری وہیں پکڑی

یہ قسمت وصل کی شب صبح تک تکرار میں گزری

ادھر کچھ میں نے ضد پکڑی ادھر اس نے نہیں پکڑی

مجھے ڈسواؤ اک مار سیہ سے یہ سزا دیجے

جفا کی اپنے صاحب کی جو زلف عنبریں پکڑی

خدا کے فضل سے ایسی طبیعت ہے نظامؔ اپنی

kisi ne pakra daman aur kisi ne astin pakri

na utha mein hi us kuche se ye main ne zamin pakri

khuda shahid hai dil par chot si ik lag gai mere

bahana dard-e-sar ka kar ke jab us ne jabin pakri

siwa un ke na kahna aur se afat na kuchh ae

na jane bat meri qasada shayad kahin pakri

bhala ab mujh se chhutta hai kahin us shokh ka chaska

ye kya hai chher meri har ghari ki ham nashin pakri

ghazab hain ap bhi main ne to tum se kan pakra hai

hawa jab kuchh main kahne ko zaban meri wahin pakri

ye qismat wasl ki shab subh tak takrar mein guzri

idhar kuchh main ne zid pakri idhar us ne nahin pakri

mujhe daswao ik mar-e-siyah se ye saza dije

jafa ki apne sahab ki jo zulf-e-ambarin pakri

khuda ke fazl se aisi tabiat hai nizam apni