کس کے کھوئے ہوئے اوسان چلے آتے ہیں

کس کے کھوئے ہوئے اوسان چلے آتے ہیں

وہ جو یوں بے سر و سامان چلے آتے ہیں

غیر کے ملنے کی تاکید ہے ہر خط میں مجھے

کس قیامت کے یہ فرمان چلے آتے ہیں

تم جو نازک ہو تو کیا آ نہیں سکتے دل میں

آنکھ کی راہ بھی انسان چلے آتے ہیں

گھر سے باہر نکل آیا نہ ہو وہ پردہ نشیں

لوگ کیوں چاک گریبان چلے آتے ہیں

رشک دشمن کبھی دل میں ہے خیال غم دوست

آج مہمان پہ مہمان چلے آتے ہیں

آپ غربت میں نہ گھبرائیے اتنا صفدرؔ

دیکھیے غیب سے سامان چلے آتے ہیں

kis ke khoe hue ausan chale ate hain

wo jo yun be sar-o-saman chale ate hain

ghair ke milne ki takid hai har khat mein mujhe

kis qayamat ke ye farman chale ate hain

tum jo nazuk ho to kya a nahin sakte dil mein

ankh ki rah bhi insan chale ate hain

ghar se bahar nikal aya na ho wo parda nashin

log kyun chak-e-gareban chale ate hain

rashk-e-dushman kabhi dil mein hai khayal-e-gham dost

aj mehman pe mehman chale ate hain

ap ghurbat mein na ghabraiye itna safdar

dekhiye ghaib se saman chale ate hain