کس کی چشم مست یاد آتی رہی

کس کی چشم مست یاد آتی رہی

نیند آنکھوں سے مری جاتی رہی

دل تو شوق دید میں تڑپا کیا

آنکھ ہی کم بخت شرماتی رہی

زندگی سے ہم رہے نا آشنا

سانس گو آتی رہی جاتی رہی

عمر بھر ناظرؔ رہے صحرا نورد

بزم گلشن گرچہ یاد آتی رہی

kis ki chashm-e-mast yad ati rahi

nind ankhon se miri jati rahi

dil to shauq-e-did mein tarpa kiya

ankh hi kam bakht sharmati rahi

zindagi se ham rahe na ashna

sans go ati rahi jati rahi

umr bhar nazir rahe sahra naward

bazm-e-gulshan garche yad ati rahi