کس نے سنایا اور سنایا تو کیا سنا

کس نے سنایا اور سنایا تو کیا سنا

سنتا ہوں آج تو نے مرا ماجرا سنا

ایسے سے دل کا حال کہیں بھی تو کیا کہیں

جو بے کہے کہے کہ چلو بس سنا سنا

وصل عدو کا حال سنانے سے فائدہ

اللہ رحم کیجئے بس بس سنا سنا

قاصد ترے سکوت سے دل بے قرار ہے

کیا اس جفا شعار نے تجھ سے کہا سنا

آخر حسنؔ وہ روٹھ گئے اٹھ کے چل دیے

کم بخت اور حال دل مبتلا سنا

kis ne sunaya aur sunaya to kya suna

sunta hun aj tu ne mira majra suna

aise se dil ka hal kahin bhi to kya kahen

jo be kahe kahe ke chalo bas suna suna

wasl-e-adu ka hal sunane se faida

allah rahm kijiye bas bas suna suna

qasid tire sukut se dil be qarar hai

kya is jafa shiar ne tujh se kaha suna

akhir husn wo ruth gae uth ke chal diye

kam bakht aur hal-e-dil-e-mubtala suna