کسی بت کی ادا نے مار ڈالا

کسی بت کی ادا نے مار ڈالا

بہانے سے خدا نے مار ڈالا

جفا کی جان کو سب رو رہے ہیں

مجھے ان کی وفا نے مار ڈالا

جدائی میں نہ آنا تھا نہ آئی

مجھے ظالم قضا نے مار ڈالا

مصیبت اور لمبی زندگانی

بزرگوں کی دعا نے مار ڈالا

انہیں آنکھوں سے جینا چاہتا ہوں

جن آنکھوں کی حیا نے مار ڈالا

ہمارا امتحاں اور کوئے دشمن

کسی نے بے ٹھکانے مار ڈالا

پڑا ہوں اس طرح اس در پہ مضطرؔ

کوئی دیکھے تو جانے مار ڈالا

kisi but ki ada ne mar dala

bahane se khuda ne mar dala

jafa ki jan ko sab ro rahe hain

mujhe un ki wafa ne mar dala

judai mein na ana tha na ai

mujhe zalim qaza ne mar dala

musibat aur lambi zindagani

buzurgon ki dua ne mar dala

unhen ankhon se jina chahta hun

jin ankhon ki haya ne mar dala

hamara imtihan aur ku-e-dushman

kisi ne be thikane mar dala

para hun is tarah us dar pe muztar

koi dekhe to jane mar dala