کریں گے سب یہ دعویٰ نقد دل جو ہار بیٹھے ہیں

کریں گے سب یہ دعویٰ نقد دل جو ہار بیٹھے ہیں

خفیفہ میں تمہارے عاشق نادار بیٹھے ہیں

عجب کیا عاشقوں کو دل میں یہ معشوق کہتے ہوں

یہ کیوں گھر گھیر کر میرا خدا کی مار بیٹھے ہیں

شب فرقت کا اک دریائے غم ہے بیچ میں حائل

جو میں اس پار بیٹھا ہوں تو وہ اس پار بیٹھے ہیں

کوئی ہے اطلاع اس وقت کر دے جا کے تھانے پر

وہ میرے قتل پر کھینچے ہوئے تلوار بیٹھے ہیں

سفیدی خانۂ دل میں سیہ کاروں کے پھیریں گے

نہیں منبر پہ واعظ پاڑ پر معمار بیٹھے ہیں

پکڑ کر کان اپنا درس گاہ عشق میں عاشق

ہزاروں بار اٹھے ہیں ہزاروں بار بیٹھے ہیں

کہا کرتے تھے والد قیس کے فرط محبت میں

نہیں معلوم کس جنگل میں بر خوردار بیٹھے ہیں

ظریفؔ اب فائدہ کیا شاعروں کو سردی کھانے سے

karenge sab ye daawa naqd-e-dil jo har baithe hain

khafifa mein tumhare ashiq-e-nadar baithe hain

ajab kya ashiqon ko dil mein ye maashuq kahte hun

ye kyun ghar gher kar mera khuda ki mar baithe hain

shab-e-furqat ka ik dariya-e-gham hai bich mein hail

jo main us par baitha hun to wo us par baithe hain

koi hai ittila is waqt kar de ja ke thane par

wo mere qatl par khinche hue talwar baithe hain

safedi khana-e-dil mein siyah karon ke pherenge

nahin mimbar pe waiz par par memar baithe hain

pakar kar kan apna dars gah-e-ishq mein ashiq

hazaron bar uthe hain hazaron bar baithe hain

kaha karte the walid qais ke fart-e-mohabbat mein

nahin maalum kis jangal mein bar khurdar baithe hain

zarif ab faida kya shayaron ko sardi khane se