کرو نہ دیر جہاں میں جہاں سے آگے چلو

کرو نہ دیر جہاں میں جہاں سے آگے چلو

یہاں گمان خطر ہے قدم بڑھائے چلو

یہاں فریب نشیب و فراز اکثر ہے

خدا کے واسطے اتنا نہ منہ اٹھائے چلو

شکستہ پا ہوں کہیں ساتھ سے نہ رہ جاؤں

مجھے بھی ہاتھ ذرا دوستو لگائے چلو

ابھی تو حسن عمل کا زمانہ باقی ہے

وہاں کی بگڑی ہوئی کچھ یہیں بنائے چلو

ادھر ادھر کہیں بھر کر ترارہ جا نہ پڑے

سمند عمر رواں کو ذرا دبائے چلو

عدم میں ترسو گے درد جگر کو اے تسلیمؔ

جو ہو سکے کوئی سینہ پہ تیر کھائے چلو

karo na der jahan mein jahan se age chalo

yahan guman khatar hai qadam barhae chalo

yahan fareb-e-nasheb-o-faraz aksar hai

khuda ke waste itna na munh uthae chalo

shikasta pa hun kahin sath se na rah jaun

mujhe bhi hath zara dosto lagae chalo

abhi to husn-e-amal ka zamana baqi hai

wahan ki bigri hui kuchh yahin banae chalo

idhar idhar kahin bhar kar tirarah ja na pare

samand-e-umr-e-rawan ko zara dabae chalo

adam mein tarsoge dard-e-jigar ko ai taslim

jo ho sake koi sina pe tir khae chalo