کس شام سے اٹھا تھا مرے دل میں درد سا

کس شام سے اٹھا تھا مرے دل میں درد سا

سو ہو چلا ہوں پیشتر از صبح سرد سا

بیٹھا ہوں جوں غبار ضعیف اب وگرنہ میں

پھرتا رہا ہوں گلیوں میں آوارہ گرد سا

قصد طریق عشق کیا سب نے بعد قیس

لیکن ہوا نہ ایک بھی اس رہ نورد سا

حاضر یراق بے مزگی کس گھڑی نہیں

معشوق کچھ ہمارا ہے عاشق نبرد سا

کیا میرؔ ہے یہی جو ترے در پہ تھا کھڑا

نمناک چشم و خشک لب و رنگ زرد سا

kis sham se utha tha mire dil mein dard sa

so ho chala hun peshtar az subh sard sa

baitha hun jun ghubar zaif ab wagarna mein

phirta raha hun galiyon mein awara gard sa

qasd-e-tariq-e-ishq kiya sab ne baad qais

lekin hua na ek bhi is rah naward sa

hazir yaraq be mazgi kis ghari nahin

maashuq kuchh hamara hai ashiq nabard sa

kya mir hai yahi jo tire dar pe tha khara

namnak chashm-o-khushk lab-o-rang-e-zard sa