کس حسن سے کہوں میں اس کی خوش اختری کی

کس حسن سے کہوں میں اس کی خوش اختری کی

اس ماہرو کے آگے کیا تاب مشتری کی

رکھنا نہ تھا قدم یاں جوں باد بے تامل

سیر اس جہاں کی رہرو پر تو نے سرسری کی

شبہا بحال سگ میں اک عمر صرف کی ہے

مت پوچھ ان نے مجھ سے جو آدمی گری کی

پائے گل اس چمن میں چھوڑا گیا نہ ہم سے

سر پر ہمارے اب کے منت ہے بے پری کی

پیشہ تو ایک ہی تھا اس کا ہمارا لیکن

مجنوں کے طالعوں نے شہرت میں یاوری کی

گریے سے داغ سینہ تازہ ہوئے ہیں سارے

یہ کشت خشک تو نے اے چشم پھر ہری کی

یہ دور تو موافق ہوتا نہیں مگر اب

رکھیے بنائے تازہ اس چرخ چنبری کی

خوباں تمہاری خوبی تا چند نقل کریے

ہم رنجہ خاطروں کی کیا خوب دلبری کی

ہم سے جو میرؔ اڑ کر افلاک چرخ میں ہیں

ان خاک میں ملوں کی کاہے کو ہمسری کی

kis husn se kahon main us ki khush akhtari ki

is mahru ke age kya tab mushtari ki

rakhna na tha qadam yan jun bad be taammul

sair is jahan ki rahrau par tu ne sarsari ki

shabha bahal sag mein ik umr sirf ki hai

mat puchh un ne mujh se jo admi giri ki

pae gul is chaman mein chhora gaya na ham se

sar par hamare ab ke minnat hai be pari ki

pesha to ek hi tha us ka hamara lekin

majnun ke talion ne shohrat mein yawari ki

giriye se dagh sina taza hue hain sare

ye kisht-e-khushk tu ne ai chashm phir hari ki

ye daur to muafiq hota nahin magar ab

rakhiye banae taza is charkh chambari ki

khuban tumhari khubi ta chand naql kariye

ham ranjhu khatiron ki kya khub dilbari ki

ham se jo mir ur kar aflak charkh mein hain

un khak mein milon ki kahe ko hamsiri ki