کس طرح واقف ہوں حال عاشق جاں باز سے

کس طرح واقف ہوں حال عاشق جاں باز سے

ان کو فرصت ہی نہیں ہے کاروبار ناز سے

میرے درد دل سے گویا آشنا ہیں چوب و تار

اپنے نالے سن رہا ہوں پردہ ہائے ساز سے

ذرہ ذرہ ہے یہاں اک کتبۂ سر الست

آپ ہی واقف نہیں ہیں رسم خط راز سے

دل گئے ایماں گئے عقلیں گئیں جانیں گئیں

تم نے کیا کیا کر دکھایا اک نگاہ ناز سے

آہ! کل تک وہ نوازش! آج اتنی بے رخی

کچھ تو نسبت چاہئے انجام کو آغاز سے

kis tarah waqif hun hal-e-ashiq-e-jan baz se

un ko fursat hi nahin hai karobar-e-naz se

mere dard-e-dil se goya ashna hain chob-o-tar

apne nale sun raha hun parda ha-e-saz se

zarra zarra hai yahan ik katba-e-sar-e-alast

ap hi waqif nahin hain rasm-e-khat-e-raz se

dil gae iman gae aqlen gain janen gain

tum ne kya kya kar dikhaya ik nigah-e-naz se

ah! kal tak wo nawazish! aj itni be rukhi

kuchh to nisbat chahiye anjam ko aghaz se