کس طرح ملیں کوئی بہانا نہیں ملتا

کس طرح ملیں کوئی بہانا نہیں ملتا

ہم جا نہیں سکتے انہیں آنا نہیں ملتا

پھرتے ہیں وہاں آپ بھٹکتی ہے یہاں روح

اب گور میں بھی ہم کو ٹھکانا نہیں ملتا

بدنام کیا ہے تن انور کی صفا نے

دل میں بھی اسے راز چھپانا نہیں ملتا

دولت نہیں کام آتی جو تقدیر بری ہو

قارون کو بھی اپنا خزانا نہیں ملتا

آنکھیں وہ دکھاتے ہیں نکل جائے اگر بات

بوسہ تو کہاں ہونٹ ہلانا نہیں ملتا

طاقت وہ کہاں جائیں تصور میں جو اے برقؔ

برسوں سے ہمیں ہوش میں آنا نہیں ملتا

kis tarah milen koi bahana nahin milta

ham ja nahin sakte unhen ana nahin milta

phirte hain wahan ap bhatakti hai yahan ruh

ab gor mein bhi ham ko thikana nahin milta

badnam kya hai tan anwar ki safa ne

dil mein bhi use raz chhupana nahin milta

daulat nahin kam ati jo taqdir buri ho

qarun ko bhi apna khuzzana nahin milta

ankhen wo dikhate hain nikal jae agar bat

bosa to kahan hont hilana nahin milta

taqat wo kahan jaen tasawwur mein jo ai barq

barson se hamen hosh mein ana nahin milta