کرنا جو محبت کا اقرار سمجھ لینا

کرنا جو محبت کا اقرار سمجھ لینا

اک بار نہیں اس کو سو بار سمجھ لینا

ہم ہوں کہ عدو اس میں جو ظلم کا شاکی ہو

کرتا ہی نہیں تم کو وہ پیار سمجھ لینا

مر جائے مگر جانا اس کی نہ عیادت کو

تم جس کو محبت کا بیمار سمجھ لینا

بن بن کے بگڑتا ہے وہ کام محبت میں

آسان نہیں جس کو دشوار سمجھ لینا

غفلت کدۂ ہستی جب کہتے ہیں عالم کو

سودا ہے پھر اپنے کو ہشیار سمجھ لینا

محفل میں رقیبوں کی جانا ہے اگر تم کو

صورت سے مجھے اپنی بیزار سمجھ لینا

دل پر تو لگاتے ہو تم تیر نظر لیکن

آہوں کو ہماری بھی تلوار سمجھ لینا

چھیڑا جو مرے آگے پھر تذکرۂ دشمن

رکھی ہوئی ہے مجھ سے تکرار سمجھ لینا

پوشیدہ حفیظؔ اس میں اسرار محبت ہیں

آسان نہیں میرے اشعار سمجھ لینا

karna jo mohabbat ka iqrar samajh lena

ik bar nahin us ko sau bar samajh lena

ham hun ke adu is mein jo zulm ka shaki ho

karta hi nahin tum ko wo pyar samajh lena

mar jae magar jana us ki na ayadat ko

tum jis ko mohabbat ka bimar samajh lena

ban ban ke bigarta hai wo kam-e-mohabbat mein

asan nahin jis ko dushwar samajh lena

ghaflat kada-e-hasti jab kahte hain alam ko

sauda hai phir apne ko hushyar samajh lena

mahfil mein raqibon ki jana hai agar tum ko

surat se mujhe apni bezar samajh lena

dil par to lagate ho tum tir-e-nazar lekin

ahon ko hamari bhi talwar samajh lena

chhera jo mire age phir tazkira-e-dushman

rakhi hui hai mujh se takrar samajh lena

poshida hafiz is mein asrar-e-mohabbat hain

asan nahin mere ashar samajh lena