کبھو تک کے در کو کھڑے رہے کبھو آہ بھر کے چلے گئے

کبھو تک کے در کو کھڑے رہے کبھو آہ بھر کے چلے گئے

ترے کوچے میں جو ہم آئے بھی تو ٹھہر ٹھہر کے چلے گئے

گئے باغ میں کسی گل تلے تو وہاں بھی اپنا نہ جی لگا

لے برنگ غنچہ جمائیاں تجھے یاد کر کے چلے گئے

کہیں غش میں تھا میں پڑا ہوا سنو اور قہر کی بات تم

مجھے دیکھنے کو جو آئے وہ تو بگڑ سنور کے چلے گئے

کروں مو و زلف کا کیا بیاں کہ عجیب قصہ ہے درمیاں

یہ ادھر کو سینے پہ آ رہی وہ ادھر کمر کے چلے گئے

اب انیس ہے نہ جلیس ہے نہ رفیق ہے نہ شفیق ہے

ہم اکیلے گھر میں پڑے رہے سبھی لوگ گھر کے چلے گئے

یہ عجب زمانے کی رسم ہے کہ جنہوں پہ مرتے تھے ہم سدا

پس مرگ آ وہی خاک میں ہمیں آہ دھر کے چلے گئے

چڑھے کوٹھے پر تو تھے مصحفیؔ پہ نہ داؤ پر وہ مرے چڑھے

میں چڑھاؤں جب تلک آستیں اٹھے اور اتر کے چلے گئے

kabhu tak ke dar ko khare rahe kabhu ah bhar ke chale gae

tire kuche mein jo ham ae bhi to thahar thahar ke chale gae

gae bagh mein kisi gul tale to wahan bhi apna na ji laga

le barang-e-ghuncha jamaiyan tujhe yad kar ke chale gae

kahin ghash mein tha main para hua suno aur qahr ki bat tum

mujhe dekhne ko jo ae wo to bigar sanwar ke chale gae

karun mu-o-zulf ka kya bayan ke ajib qissa hai darmiyan

ye idhar ko sine pe a rahi wo idhar kamar ke chale gae

ab anis hai na jalis hai na rafiq hai na shafiq hai

ham akele ghar mein pare rahe sabhi log ghar ke chale gae

ye ajab zamane ki rasm hai ke jinhon pe marte the ham sada

pas-e-marg a wahi khak mein hamen ah dhar ke chale gae

charhe kothe par to the mushafi pe na dao par wo mire charhe

main charhaun jab talak astin uthe aur utar ke chale gae