کبھو ہم سے بھی وفا کیجئے گا

کبھو ہم سے بھی وفا کیجئے گا

یا یہی جور و جفا کیجئے گا

دیکھیں دشنام کہاں تک دوگے

دم میں سو بار دعا کیجئے گا

نظر آتا ہے گرہ زلف سے کھول

ہر طرف فتنہ بپا کیجئے گا

جان و دل سے بھی گزر جائیں گے

اگر ایسا ہی خفا کیجئے گا

کی ہے بندے کے لئے یہ بیداد

رحم ٹک بہر خدا کیجئے گا

عشق کے صدقے اٹھاتا تھا دل

اب تو وہ بھی نہیں کیا کیجئے گا

اب تو ٹک میرا کہا کیجئے پھر

چاہئے گا سو کہا کیجئے گا

گو اسے اہل وفا سے ہے خلاف

اب اثرؔ تو بھی وفا کیجئے گا

kabhu ham se bhi wafa kijiye ga

ya yahi jaur-o-jafa kijiye ga

dekhen dushnam kahan tak doge

dam mein sau bar dua kijiye ga

nazar ata hai girah zulf se khol

har taraf fitna bapa kijiye ga

jan-o-dil se bhi guzar jaenge

agar aisa hi khafa kijiye ga

ki hai bande ke liye ye bedad

rahm tuk bahr-e-khuda kijiye ga

ishq ke sadqe uthata tha dil

ab to wo bhi nahin kya kijiye ga

ab to tuk mera kaha kijiye phir

chahiye ga so kaha kijiye ga

go use ahl-e-wafa se hai khilaf

ab asar tu bhi wafa kijiye ga