کبھی دیکھیں جو روئے یار درخت

کبھی دیکھیں جو روئے یار درخت

اپنے پھولوں کو سمجھیں خار درخت

چار سو ہے انہیں کا لکھ پیڑا

یہ عناصر کے ہیں جو چار درخت

میرے گلزار میں ہیں شعلے پھول

میرے ہر آہ شعلہ بار درخت

سو فساد ایک عشق میں اٹھے

بویا اک تخم اگے ہزار درخت

جب چلا باغ سے وہ سرو رواں

ہو گئے طائروں کو دار درخت

جس کو طوبیٰ زمانہ کہتا ہے

تیرے گھر میں ہے سایہ دار درخت

تو خزاں میں جو سیر کو نکلے

مرے ہو جائیں بے بہار درخت

پھل نہ لایا نہال عشق اپنا

پھلے پھولے ہزار بار درخت

بحرؔ کیا نشہ میں خوش آتے ہیں

نہر گلشن کے دار پار درخت

kabhi dekhen jo ru-e-yar darakht

apne phulon ko samjhen khar darakht

char su hai unhen ka likh pera

ye anasir ke hain jo char darakht

mere gulzar mein hain shole phul

mere har ah shola bar darakht

so fasad ek ishq mein uthe

boya ik tukhm uge hazar darakht

jab chala bagh se wo sarw-e-rawan

ho gae tairon ko dar-e-darakht

jis ko tuba zamana kahta hai

tere ghar mein hai saya dar-e-darakht

tu khizan mein jo sair ko nikle

mire ho jaen be bahar darakht

phal na laya nihal-e-ishq apna

phale phule hazar bar darakht

bahr kiya nasha mein khush ate hain

nahr gulshan ke dar par darakht