کبھو نہ اس رخ روشن پہ چھائیاں دیکھیں

کبھو نہ اس رخ روشن پہ چھائیاں دیکھیں

گھٹائیں چاند پہ سو بار چھائیاں دیکھیں

فتادگی میں جو عزت ہے سرکشی میں کہاں

کہ نقش پا کی یہاں رہنمائیاں دیکھیں

بلائیں لیوے ہے ہاتھوں سے اس کی زلفوں کی

یہ دست شانہ کی ہم نے رسائیاں دیکھیں

چمن میں ناخن ہر برگ گل سے بلبل کی

ہزار رنگ سے عقدہ کشائیاں دیکھیں

زبان تیشہ بہت کام آئی اے فرہاد

جو عشق نے تری زور آزمائیاں دیکھیں

نظر میں اپنی وہ پھرتی ہیں صورتیں ہیہات

فلک نے خاک میں کیا کیا ملائیاں دیکھیں

کسو نے لی نہ خبر غرق بحر الفت کی

ان آشناؤں کی یہ آشنائیاں دیکھیں

ہماری اس کی کدورت کی وجہ کچھ نہ رہی

کہ آئنے نے دلوں کی صفائیاں دیکھیں

ہم اپنا تجھ کو ہوا خواہ جانتے تھے صبا

بہاریں تو نے بھی تنہا اڑائیاں دیکھیں

بیان کس سے کروں اپنی تیرہ بختی کا

اندھیری راتیں وہ اے دل پھر آئیاں دیکھیں

نصیرؔ کیجے وفا کب تلک بقول میرؔ

جفائیں دیکھ لیاں بے وفائیاں دیکھیں

kabhu na us rukh-e-raushan pe chhaiyan dekhen

ghataen chand pe sau bar chhaiyan dekhen

fatadagi mein jo izzat hai sarkashi mein kahan

ke naqsh-e-pa ki yahan rahnumaiyan dekhen

balaen lewe hai hathon se us ki zulfon ki

ye dast-e-shana ki ham ne rasaiyan dekhen

chaman mein nakhun har barg-e-gul se bulbul ki

hazar rang se uqda kushaiyan dekhen

zaban-e-tesha bahut kam ai ai farhad

jo ishq ne tiri zor azmaiyan dekhen

nazar main apni wo phirti hain suraten hehat

falak ne khak mein kya kya malaiyan dekhen

kisu ne li na khabar gharq-e-bahr-e-ulfat ki

un ashnaon ki ye ashnaiyan dekhen

hamari us ki kudurat ki wajh kuchh na rahi

ke aine ne dilon ki safaiyan dekhen

ham apna tujh ko hua khwah jante the saba

baharen tu ne bhi tanha arayan dekhen

bayan kis se karun apni tira bakhti ka

andheri raten wo ai dil phir aiyan dekhen

nasir kije wafa kab talak baqaul-e-mir

jafaen dekh liyan be wafaiyan dekhen