ڈھونڈ لیتا جو انہیں ڈھونڈھنے والا ہوتا

ڈھونڈ لیتا جو انہیں ڈھونڈھنے والا ہوتا

دیکھ لیتا جو کوئی دیکھنے والا ہوتا

مجھ کو اس چاہ میں کچھ لطف دوبالا ہوتا

کاش ناصح ہی ترا چاہنے والا ہوتا

ہم بھی مرتے تری حوروں پہ مگر اے زاہد

ان بتوں سے جو کچھ انداز نرالا ہوتا

کیا گزرتی ہے ترے دل پہ بتا تو کمبخت

ہائے اتنا ہی کوئی پوچھنے والا ہوتا

میرے گھر پر سے ملیں آ کے بلائیں کتنی

تم نے جب تک مجھے بوسوں ہی پہ ٹالا ہوتا

اے غم یار مجھے تو نے گھلا کر کھایا

پہلے کھاتا تو ترے منہ کا نوالا ہوتا

آپ نے زلف کے عقدے تو بہت کھلوائے

میرا آسان سا اک کام نکالا ہوتا

تم نے کچھ عشق کا انجام نہ سوچا اکبرؔ

کیوں بگڑتی جو طبیعت کو سنبھالا ہوتا

dhund leta jo unhen dhundhne wala hota

dekh leta jo koi dekhne wala hota

mujh ko is chah mein kuchh lutf dobala hota

kash naseh hi tira chahne wala hota

ham bhi marte tiri huron pe magar ai zahid

un buton se jo kuchh andaz-e-nirala hota

kya guzarti hai tire dil pe bata to kambakht

hae itna hi koi puchhne wala hota

mere ghar par se milen a ke balaen kitni

tum ne jab tak mujhe boson hi pe tala hota

ai gham-e-yar mujhe tu ne ghula kar khaya

pahle khata to tire munh ka nauilla hota

ap ne zulf ke uqde to bahut khulwae

mera asan sa ik kam nikala hota

tum ne kuchh ishq ka anjam na socha akbar

kyun bigarti jo tabiat ko sambhala hota