بیٹھے جو شام سے ترے در پہ سحر ہوئی
بھارتیندو ہریش چندربیٹھے جو شام سے ترے در پہ سحر ہوئی
افسوس اے قمر کہ نہ مطلق خبر ہوئی
ارمان وصل یوں ہی رہا سو گئے نصیب
جب آنکھ کھل گئی تو یکایک سحر ہوئی
دل عاشقوں کے چھد گئے ترچھی نگاہ سے
مژگاں کی نوک دشمن جانی جگر ہوئی
پچھتاتا ہوں کہ آنکھ عبث تم سے لڑ گئی
برچھی ہمارے حق میں تمہاری نظر ہوئی
چھانی کہاں نہ خاک نہ پایا کہیں تمہیں
مٹی مری خراب عبث در بدر ہوئی
دھیان آ گیا جو شام کو اس زلف کا رساؔ
الجھن میں ساری رات ہماری بسر ہوئی
baithe jo sham se tire dar pe sahar hui
afsos ai qamar ke na mutlaq khabar hui
arman-e-wasl yun hi raha so gae nasib
jab ankh khul gai to yakayak sahar hui
dil ashiqon ke chhid gae tirchhi nigah se
mizhgan ki nok dushman-e-jani jigar hui
pachhtata hun ke ankh abas tum se lar gai
barchhi hamare haq mein tumhari nazar hui
chhani kahan na khak na paya kahin tumhen
mitti miri kharab abas dar badar hui
dhyan a gaya jo sham ko is zulf ka rasa
uljhan mein sari rat hamari basar hui