ڈھولکی دھم دھمی خنجری بھی بجانی جانی

ڈھولکی دھم دھمی خنجری بھی بجانی جانی

تان کی جان مگر تم نے نہ جانی جانی

ہل گئے مل گئے انجانوں سے جوں جان پہچان

پر مری قدر ذری تم نہ پہچانی جانی

لگ چلے جو کہ رقیبوں نے لگایا تم کو

سانچی اور جھوٹی کوئی بات نہ چھانی جانی

جو کہا میں نے نہ تم نے کبھی دھر کان سنا

بات کیا ایسی مری تم نے دوانی جانی

مان نے تیری تو مارا ہمیں اب تو من جا

یہ ہٹیلا نہیں دیکھا کوئی مانی جانی

جاں کنی میں تو ذرا آ کے دکھاؤ دیدار

جان مر جاؤں گا کہتا ہی میں جانی جانی

رات دن یہ جو سلوک ہم سے کیا کرتے ہو

دل میں کیا جانیے کیا تم نے ہے ٹھانی جانی

صرف کی اپنی ترے عشق میں جانی سب عمر

اظفریؔ نے نہ بڑھاپا نہ جوانی جانی

dholki dham dhami khanjari bhi bajani jani

tan ki jan magar tum ne na jani jani

hal gae mil gae anjanon se jun jan pahchan

par miri qadar zari tum na pahchani jani

lag chale jo ke raqibon ne lagaya tum ko

sanchi aur jhuti koi bat na chhani jani

jo kaha main ne na tum ne kabhi dhar kan suna

bat kya aisi miri tum ne dawani jani

man ne teri to mara hamen ab to man ja

ye hatila nahin dekha koi mani jani

jan kini mein to zara a ke dikhao didar

jan mar jaunga kahta hi mein jani jani

rat din ye jo suluk ham se kya karte ho

dil mein kya janiye kiya tum ne hai thani jani

sirf ki apni tire ishq mein jani sab umr

azfari ne na burhapa na jawani jani