کافر ہوں گر کسی کو دیوانہ جانتا ہوں

کافر ہوں گر کسی کو دیوانہ جانتا ہوں

احوال قیس کا بھی افسانہ جانتا ہوں

اے شعلہ رو زبانی ہے تیری گرم جوشی

میں خوب ربط شمع و پروانہ جانتا ہوں

جام شراب کا میں کاہے کو ملتجی ہوں

آنکھوں کو تیری ساقی پیمانہ جانتا ہوں

کنج قفس کو سونپا روز ازل قضا نے

نے دام جانتا ہوں نے دانہ جانتا ہوں

رہتا ہوں مست ہر دم یاد نگہ میں اس کی

کافر ہوں گر میں راہ مے خانہ جانتا ہوں

تیرے کنشت سے میں واقف نہیں برہمن

اپنے حریم دل کو بت خانہ جانتا ہوں

سودائے عشق جب سے مجھ کو ہوا ہے ؔجوشش

آبادیٔ جہاں کو ویرانہ جانتا ہوں

kafir hun gar kisi ko diwana janta hun

ahwal qais ka bhi afsana janta hun

ai shola ro zabani hai teri garm joshi

main khub rabt-e-shama-o-parwana janta hun

jam-e-sharab ka main kahe ko multaji hun

ankhon ko teri saqi paimana janta hun

kunj-e-qafas ko saunpa roz-e-azal qaza ne

ne dam janta hun ne dana janta hun

rahta hun mast har dam yad-e-nigah mein us ki

kafir hun gar main rah-e-mai khana janta hun

tere kinshat se main waqif nahin barahman

apne harim-e-dil ko but khana janta hun

sauda-e-ishq jab se mujh ko hua hai joshish

abadi-e-jahan ko wirana janta hun