چھوڑ کر مجھ کو چلی اے بے وفا میں بھی تو ہوں

چھوڑ کر مجھ کو چلی اے بے وفا میں بھی تو ہوں

لے خبر میری بھی اے تیغ ادا میں بھی تو ہوں

پی رہے ہیں سب پیالی پر پیالی بزم میں

میری باری بھی تو آئے ساقیا میں بھی تو ہوں

ذکر جب حور و پری کا سامنے ان کے ہوا

پہلے تو سنتے رہے وہ پھر کہا میں بھی تو ہوں

دخت رز زاہد سے بولی مجھ سے گھبراتے ہو کیوں

کیا تمہیں ہو پاک دامن پارسا میں بھی تو ہوں

خاص زاہد کے لئے جنت تو ہو سکتی نہیں

آخر اک بندہ شرفؔ اللہ کا میں بھی تو ہوں

chhor kar mujh ko chali ai be wafa mein bhi to hun

le khabar meri bhi ai tegh-e-ada mein bhi to hun

pi rahe hain sab piyali par piyali bazm mein

meri bari bhi to ae saqiya mein bhi to hun

zikr jab hur-o-pari ka samne un ke hua

pahle to sunte rahe wo phir kaha main bhi to hun

dukht-e-raz zahid se boli mujh se ghabrate ho kyun

kya tumhen ho pak daman parsa mein bhi to hun

khas zahid ke liye jannat to ho sakti nahin

akhir ik banda sharaf allah ka main bhi to hun