چھوڑ ہر ایک کو برا کہنا

چھوڑ ہر ایک کو برا کہنا

ایسی صورت پہ تجھ کو کیا کہنا

بے وفاؤں کو با وفا کہنا

آپ کی بات واہ کیا کہنا

تم نے کیا عیب ہم میں دیکھا ہے

دیکھو اچھا نہیں برا کہنا

میں نے کیا کیا کہا ہے لوگوں سے

ایک بار اور پھر ذرا کہنا

جانتے کب ہیں مجھ کو اپنا دوست

مانتے کب ہیں وہ مرا کہنا

مجھ کو غصے سے دیکھ کر نہ رکو

دل میں جو کچھ بھی آ گیا کہنا

میں محبت میں کیا کروں انصاف

کوئی انصاف سے ذرا کہنا

آپ کو آج تک نہیں آیا

واقعہ سب سے ایک سا کہنا

خوب نقلیں اتارتے ہیں آپ

آفریں واہ واہ کیا کہنا

کیا کہا میں کبھی نہیں سنتا

اور پھر اس پہ آپ کا کہنا

ان کو کہنا سلام اے قاصد

اور دربان کو دعا کہنا

اے صفیؔ ہے ابھی تو دلی دور

کون کہتا ہے آ گیا کہنا

chhor har ek ko bura kahna

aisi surat pe tujh ko kya kahna

be wafaon ko ba wafa kahna

ap ki bat wah kya kahna

tum ne kya aib ham mein dekha hai

dekho achchha nahin bura kahna

main ne kya kya kaha hai logon se

ek bar aur phir zara kahna

jante kab hain mujh ko apna dost

mante kab hain wo mira kahna

mujh ko ghusse se dekh kar na ruko

dil mein jo kuchh bhi a gaya kahna

main mohabbat mein kya karun insaf

koi insaf se zara kahna

ap ko aj tak nahin aya

waqia sab se ek sa kahna

khub naqlen utarte hain ap

afrin wah wah kya kahna

kya kaha main kabhi nahin sunta

aur phir us pe ap ka kahna

un ko kahna salam ai qasid

aur darban ko dua kahna

ai safi hai abhi to dilli dur

kaun kahta hai a gaya kahna