چھٹی امید تو میں حال دل کہنے سے کیوں ڈرتا

چھٹی امید تو میں حال دل کہنے سے کیوں ڈرتا

مثل مشہور ہے سرکار مرتا کیا نہیں کرتا

بہت اچھا ہوا دشمن نے مجھ سے دشمنی کر لی

سوا میرے نہ جانے اور کس کس کو یہ لے مرتا

اگر دشمن سے ایسے پیش آتے تو مزہ پاتے

کروں کیا عرض جو برتاؤ مجھ سے آپ نے برتا

کسی پیماں شکن نے رکتے رکتے بات تو کر لی

جو وعدے ہی پہ ہم اڑتے تو یہ کرتا نہ وہ کرتا

نہیں مجھ سے تری بے اعتنائی قابل حیرت

غریب انسان دنیا کی نگاہوں میں نہیں بھرتا

صفیؔ نے ٹھوکریں کھا کے بھی اپنی وضع کب بدلی

سمجھ والا اگر ہوتا حسینوں سے بہت ڈرتا

chhutti ummid to main hal-e-dil kahne se kyun darta

misl-e-mashhur hai sarkar marta kya nahin karta

bahut achchha hua dushman ne mujh se dushmani kar li

siwa mere na jane aur kis kis ko ye le marta

agar dushman se aise pesh ate to maza pate

karun kya arz jo bartao mujh se ap ne barta

kisi paiman shikan ne rukte rukte bat to kar li

jo waade hi pe ham urte to ye karta na wo karta

nahin mujh se tiri be etinai qabil-e-hairat

gharib insan duniya ki nigahon mein nahin bharta

safi ne thokaren kha ke bhi apni waza kab badli

samajh wala agar hota hasinon se bahut darta