ڈر نہیں تھوکتے ہیں خون جو دکھ پائے ہوئے

ڈر نہیں تھوکتے ہیں خون جو دکھ پائے ہوئے

لخت دل بن کے نکل جائیں گے غم کھائے ہوئے

دم نکلنا ہے دل زار کا ہے حال اخیر

نالے آتے ہیں لبوں تک مرے گھبرائے ہوئے

یہ بہانہ ہے مرے قتل پہ راضی نہیں تیر

غل مچاتی ہے کماں ہاتھوں کو پھیلائے ہوئے

ہم تو مر جائیں گے ہر گل پہ عدم میں بھی رشیدؔ

جاتے ہیں گلشن فانی کی ہوا کھائے ہوئے

dar nahin thukutte hain khun jo dukh pae hue

lakht-e-dil ban ke nikal jaenge gham khae hue

dam nikalna hai dil-e-zar ka hai hal-e-akhir

nale ate hain labon tak mire ghabrae hue

ye bahana hai mire qatl pe razi nahin tir

ghul machati hai kaman hathon ko phailae hue

ham to mar jaenge har gul pe adam mein bhi rashid

jate hain gulshan-e-fani ki hawa khae hue