بیٹھا ہوں پاؤں توڑ کے تدبیر دیکھنا

بیٹھا ہوں پاؤں توڑ کے تدبیر دیکھنا

منزل قدم سے لپٹی ہے تقدیر دیکھنا

آوازے مجھ پہ کستے ہیں پھر بندگان عشق

پڑ جائے پھر نہ پاؤں میں زنجیر دیکھنا

مردوں سے شرط باندھ کے سوئی ہے اپنی موت

ہاں دیکھنا ذرا فلک پیر دیکھنا

ہوش اڑ نہ جائیں صنعت بہزاد دیکھ کر

آئینہ رکھ کے سامنے تصویر دیکھنا

پروانے کر چکے تھے سرانجام خودکشی

فانوس آڑے آ گیا تقدیر دیکھنا

شاید خدانخواستہ آنکھیں دغا کریں

اچھا نہیں نوشتۂ تقدیر دیکھنا

باد مراد چل چکی لنگر اٹھاؤ یاسؔ

پھر آگے بڑھ کے خوبیٔ تقدیر دیکھنا

baitha hun paon tor ke tadbir dekhna

manzil qadam se lipti hai taqdir dekhna

awaze mujh pe kaste hain phir bandgan-e-ishq

par jae phir na paon mein zanjir dekhna

mardon se shart bandh ke soi hai apni maut

han dekhna zara falak-e-pir dekhna

hosh ur na jaen sanat-e-behzad dekh kar

aina rakh ke samne taswir dekhna

parwane kar chuke the saranjam khudkushi

fanus are a gaya taqdir dekhna

shayad khudankhwasta ankhen dagha karen

achchha nahin nawashta-e-taqdir dekhna

bad-e-murad chal chuki langar uthao yas

phir age barh ke khubi-e-taqdir dekhna