چھوڑیں گے گریباں کا نہ اک تار کبھی ہم

چھوڑیں گے گریباں کا نہ اک تار کبھی ہم

بیٹھیں گے جنوں میں تو نہ بیکار کبھی ہم

رہتے نہ اجازت کے طلب گار کبھی ہم

ہوتے جو ترے طالب دیدار کبھی ہم

پہنائے گا ہم کو وہ گل زخم کی بدھی

پنہائیں گے قاتل کو جو اک ہار کبھی ہم

چھوڑیں گے نہ اب دامن کہسار کبھی ہم

واللہ بتوں سے نہیں کرنے کے محبت

رکھیں گے نہ اب رشتۂ زنار کبھی ہم

عنقا ہو جہاں سے مری جاں نام ہما بھی

پائیں جو ترا سایۂ دیوار کبھی ہم

پھاہے تو رہے داغ جنوں پر پئے جنت

کیا ڈر ہے جو رکھتے نہیں دستار کبھی ہم

تجویز کیا کیجئے گا یوں ہیں سزائیں

یا رحم کے بھی ہوں گے سزاوار کبھی ہم

فرصت نہیں ملتی ہے غزل کہنے کی اے مہر

پڑھتے ہیں تب اس ڈھنگ کے اشعار کبھی ہم

chhorenge gareban ka na ik tar kabhi ham

baithenge junun mein to na bekar kabhi ham

rahte na ijazat ke talab gar kabhi ham

hote jo tire talib-e-didar kabhi ham

pahnaega ham ko wo gul zakhm ki badhi

panhaen ge qatil ko jo ik har kabhi ham

chhorenge na ab daman-e-kohsar kabhi ham

wallah buton se nahin karne ke mohabbat

rakhenge na ab rishta-e-zunnar kabhi ham

anqa ho jahan se miri jan nam huma bhi

paen jo tira saya-e-diwar kabhi ham

phahe to rahe dagh-e-junun par piye jannat

kya dar hai jo rakhte nahin dastar kabhi ham

tajwiz kiya kijiye ga yun hain sazaen

ya rahm ke bhi honge sazawar kabhi ham

fursat nahin milti hai ghazal kahne ki ai mehr

parhte hain tab is dhang ke ashar kabhi ham