چھوڑیئے کس طرح سے مے نوشی

چھوڑیئے کس طرح سے مے نوشی

زور عالم رکھے ہے بے ہوشی

اک نظر اس کو دیکھنے پائیں

گو میسر نہ ہو ہم آغوشی

قید کرنا کسی کو ہے منظور

زلف کرتی ہے تجھ سے سرگوشی

ہوں میں سرگشتہ مثل ریگ رواں

کیا کہوں اپنی خانہ بردوشی

وصف میں اس دہن کے اے ؔجوشش

ہم نے کی اختیار خاموشی

chhoriye kis tarah se mai noshi

zor alam rakhe hai be hoshi

ik nazar us ko dekhne paen

go muyassar na ho ham aghoshi

qaid karna kisi ko hai manzur

zulf karti hai tujh se sargoshi

hun main sargashta misl-e-reg-e-rawan

kya kahun apni khana bardoshi

wasf mein is dahan ke ai joshish

ham ne ki ikhtiyar khamoshi