ڈرو نہ تم کہ نہ سن لے کہیں خدا میری

ڈرو نہ تم کہ نہ سن لے کہیں خدا میری

کہ روشناس اجابت نہیں دعا میری

وہ تم کہ تم نے جفا کی تو کچھ برا نہ کیا

وہ میں کہ ذکر کے قابل نہیں وفا میری

چلے بھی آؤ کہ دنیا سے جا رہا ہے کوئی

سنو کہ پھر نہ سنوگے تم التجا میری

کچھ ایسی یاس سے حسرت سے میں نے دم توڑا

جگر کو تھام کے رہ رہ گئی قضا میری

خدا نے زہر کی تاثیر بخش دی فانیؔ

ترس گئی تھی اثر کو بہت دعا میری

daro na tum ke na sun le kahin khuda meri

ke rushanas ijabat nahin dua meri

wo tum ke tum ne jafa ki to kuchh bura na kiya

wo main ke zikr ke qabil nahin wafa meri

chale bhi ao ke duniya se ja raha hai koi

suno ke phir na sunoge tum iltija meri

kuchh aisi yas se hasrat se main ne dam tora

jigar ko tham ke rah rah gai qaza meri

khuda ne zahr ki tasir bakhsh di fani

taras gai thi asar ko bahut dua meri